3 Ytre rammer
3.1 Juridiske rammer
Med heimel i lov om eigedomsskatt til kommunane av 6. juni 1975 nr 29 kan det skrivast ut eigedomsskatt på faste eigedomar i heile kommunen. Lovverket, uttaler frå Finansdepartementet og rettsavgjerder trekkjer opp dei juridiske rammene for takserings- og forvaltningsarbeidet knytt til eigedomsskatten.
3.2 Politiske rammer
Kommunestyret tek i samband med budsjetthandsaminga kvart år stilling til skattesats for eigedomsskatten.
Første året eigedomsskatten vert skriven ut er maks-satsen 2 promille. Etter gjeldande regelverk kan satsen aukast til maksimalt 7 promille for næringseigedommar, og maksimalt 5 promille for bustad og fritidseigedommar.
Kommunestyret kan gjere årleg vedtak om å frita nokre andre eigedomar – ”kan eigedomar” etter lova sin § 7.
Eigedomsskatten skal skrivast ut innan 1. mars kvart år, då det også skal sendast ut skatte-setel med informasjon om takst.
3.3 Vedtekter
Vedtektene er vidareført frå «gamle» Flora kommune. Vedtektene avklarar mellom anna at kommunen skal nytte eiga sakkunnig nemnd til å gjennomføre verdsetjinga av fast eigedom i samsvar med eigedomsskattelova. Vidare avklarar vedtektene at kommunen skal nytte takstmedarbeidarar (besiktigere) som i samråd med eigedomsskattekontoret legg fram forslag til takstar på eigedomane for sakkunnig nemnd.
3.4 Skattesats
Kommunestyret tek i samband med budsjetthandsaminga kvart år stilling til skattesats for eigedomsskatten. Gjeldande promillesats i Kinn kommune er i dag 4 promille for einebustader og fritidsbustader. Maks promille kan her vere 5 promille. For næringseigedomar er i dag promillesatsen 5 promille og her kan den maks vere 7.
Kommunestyret har høve til å innføre botnfrådrag for bustad- og fritidseigedomar. Botnfrådrag er ikkje innført i Kinn kommune, men det er bestemt av stortinget at det skal vere eit 30% frådrag i takst på bustad og fritidseigedommar.
3.5 Teknologisk ramme
Kommunen nyttar KomTek E-skatt, eit fagleg IT-verktøy for eigedomsskatt som tek utgangspunkt i Matrikkel-registeret og som samspelar med andre system kommunen nyttar. I takseringsarbeidet må difor kommunen ta utgangspunkt i eigedomsgrupperingane og arealmålemetodane i Matrikkelen.