4 Hovudrammer for taksering

4.1 Eigedomar som skal takserast

Alle faste eigedomar i kommunen skal takserast. Eigedomen blir taksert slik den er den 1. januar i skatteåret, jf. §4 (1).

Eigedomar som har fritak etter eigedomsskattelova §5 er eksempelvis

• Kyrkjer
• Statlege eigedommar, med visse unntak
• Eigedomar som kommunen sjølv eig 

Kommunestyret kan vedta fritak etter §7, eksempelvis

• Eigedomar eigd av stiftingar eller institusjonar med sikte på å gagne kommune, fylke eller stat
• Bygningar av historisk verdi. Det er vedteke at bygningar eldre enn 100 år som det ikkje bur folk i og som ikkje har status som fritidsbustad i matrikkel skal få fritak etter ei individuell vurdering
• Visse luter av kommunen

4.2 Element som inngår i omgrepet ”fast eigedom”

Eigedomane som skal takserast kan vere samansett av tre hovudelement:

• Tomt
• Bygningar
• Faste anlegg og installasjonar

Faste anlegg og installasjonar kan vere samansett av faste driftsmidlar i industrieigedomar og spesielle anlegg som kaier, vegar, parkeringsplassar m.m. Desse anlegga vert vurdert i kvart einskild tilfelle. Ved taksering vert alle desse elementa vurderte, men takstforslaget viser takst for eigedomen som heilheit.

4.3 Gruppering av eigedomar

Utgangspunktet for gruppering av eigedomane som skal takserast er bygningstypane i Matrikkel-registeret, det vil seie bygningen sin funksjon. 

Sakkunnig nemnd i Kinn kommune ønskjer å gruppere eigedomane slik:

Fleire eigedomar i Kinn kommune har blanda bruk. I registeret blir slike eigedomar lagt til det bruksområde som har størst arealdel i bygningen. Det betyr som eksempel at eit forretningsbygg der 49% av bruksarealet er bustad og 51% av arealet er forretning, blir gruppert under kategori ”kontor og forretning”. Tilsvarande bygning med 51% bustad og 49% forretning blir gruppert under kategori ”bustad”. I tilfelle der bygningar har ulike funksjonar, vert kvar funksjon taksert for seg.

4.4 Sjablonverdiar som gjenspeglar gjennomsnittsverdiar for eigedomsgruppene

Sjablonverdiane for eigedomsgrupper er valde etter at prosjektet har henta inn informasjon om omsetningstal for bygningar frå SSB. Det er og innhenta opplysningar frå takstmenn og eigedomsmeklarar. Informasjon frå andre kommunar i «Sogn og Fjordane» er også henta inn.

På grunnlag av denne faktainformasjonen og vurderingar som er henta inn, fastset sakkunnig nemnd sjablonverdiane medrekna etasjefaktorar og sonefaktorar til dei einskilde eigedomsgruppene slik:

4.4.1 Gjennomsnittsverdiar på tomtar og hovudetasjar på bygningar (bruksareal på bygning):

4.4.2 Etasjefaktorar

Ved hjelp av etasjefaktorar vert det sett gjennomsnittsverdiar på dei ulike etasjane i ein bygning, med utgangspunkt i kva som er vanleg funksjon i den aktuelle etasjen.

Etasjefaktorar for bustad, fritidsbustad, terrassehus og bustadblokker:

Bustad med ekstra leilegheit i sokkel får etasjefaktor 0,8 for underetasjen, i staden for ovannemnde 0,5 faktor.

4.4.3 Konsesjonsfaktor landbrukseigedomar

Det vert gitt konsesjonsfaktor på 0,8 for landbrukseigedomar. (Reduksjon ført under ytre faktor).

4.5 Sonefaktorar

For å kunne lette takseringa og sikre mest mogeleg lik handsaming er det valt å dele kommunen inn i ulike soner.

På grunnlag av ei samla vurdering vel sakkunnig nemnd å nytte slike sonefaktorar: