Søk om fritak frå eigedomsskatt etter § 28 via dette skjemaet

Her finn du papirversjon av søknadsskjemaet (PDF, 67 kB)

Søkjar har ansvar for å oppgi nødvendige opplysningar og legge ved alle etterspurde dokument for å behandle søknaden. 

Vilkår for å få fritak

I utgangspunktet kan fritak givast etter ei konkret vurdering av søkjar sin økonomi. Kinn kommune har vedteke retningslinjer med enkelte vilkår for å få fritak:

• For 2025 kan husstandar med ei samla bruttoinntekt på 372 084 kroner søkje fritak frå eigedomsskatt (Grunnbeløpet til folketrygda x 3). Som inntekt blir lønn, pensjonar, renteinntekter, aksjegevinstar mm rekna.
• Bur det fleire enn søkjar i bustaden blir desse rekna som ein del av husstanden, og deira brutto inntekt blir lagd saman med søkjar si brutto inntekt. Dette gjeld også heimebuande barn over 18 år.
• Leigebuarar si husleige blir rekna som inntekt for søkjar.
• Dersom det samla bankinnskotet til husstanden overstig 124 028 kroner blir det ikkje gitt fritak frå eigedomsskatt. Dette gjeld berre for personar over 18 år med inntekt.
• Søkjar må sjølv bu i bustaden.
• Det blir ikkje gitt fritak frå eigedomsskatt på fritidsbustader og sekundærbustader.
• Bebuarar i burettslag kan søkje direkte utan å gå vegen om styret til burettslaget.

Ein søknad som i utgangspunktet fyller vilkåra, kan bli avslått dersom søkjar sin økonomi er svekt for ein tidsavgrensa periode, som til dømes ved studiar eller etterutdanning.

Etter eigedomsskattelova § 28 kan den utlikna eigedomsskatten setjast ned eller ettergivast. Det er to vilkår som må vere til stades for at eigedomsskatten skal kunna setjast ned eller ettergivast i samsvar med eiendomsskatteloven § 28:
1. det må liggja føre «særlege grunnar»
2. desse særlege grunnane må gjere det «særs urimeleg» om heile eigedomsskatten blir kravd inn

Sjølv om søkjer har lågare enn 3 G i inntekt, 1 G i midlar, så skal det likevel gjerast ein individuell, konkret og heilskapleg vurdering. Sjølv om det økonomiske vilkåret er oppfylt så har ein ikkje automatisk eit rettskrav på nedsetjing. 

Kommunen vil ikkje vurdere spørsmålet om nedsetjing/ettergjeving før det har kome inn skriftleg søknad om det.

Vedtaket fattast for 1 år om gongen. Du må søkje på nytt kvart år, også du som tidlegare har fått innvilga fritak. Eigedomsskatten skal betalast sjølv om du søkjar om fritak. Det vil sei at det må fattast eit nytt vedtak, normalt etter søknad, kvart år. Vilkåra vil då bli vurdert på nytt på det aktuelle tidspunktet.

Fritaket gjeld berre for kalenderåret 2024. Du kan søkje om heilt eller delvis fritak gjennom heile 2025. Eventuelt fritak blir avgjort av formannskapet og blir gitt ut kalenderåret frå og med månad etter vedtaket.

For 2026 må du søkje på nytt, også du som tidlegare har fått innvilga fritak. 

Eiendomsskattelova § 28 bestemmer at det er formannskapet som tek avgjerd om fritak frå eigedomsskatt. Formannskapet kan ev. vidaresende søknaden til eigedomsskattekontoret for innstilling, men vedtaket skal fattast av formannskapet.

Har du fått avslag på din søknad og ønsker å klage? Send oss din klage via eDialog

Kommunestyret vedtok i sak 183/22 å lage retningslinjer for fritak frå eigedomsskatt for låginntektshusstandar.

Bustadeigar kan søke, og få innvilga fritak for delar eller heile eigedomsskatten dersom eigar/husstanden si samla brutto inntekt ved siste likning ikkje overstig 3G. Heimelshavarar med beløp større enn 1G i kontant behaldning eller inneståande i bank, omfattast ikkje av fritaksordninga. Eventuell leigeinntekt skal medreknast i inntekta. Eigar(ar) må sjølv bebu hus/leilegheit det søkast fritak for då fritak etter § 28 er personleg og ikkje følger skatteobjektet.

Fritak gjeld ikkje fritids- eller sekundærbustad. Fritak kan berre innvilgast for eit kalenderår, men fritt søkast forlenga.