3 Vilkår for tildeling

3.1. Midlane skal gå til lag, organisasjonar og profesjonelle kulturutøvarar med tilknyting til kommunen, og som driv med kulturaktivitetar for innbyggjarane i kommunen.

3.2. Opne arrangement / tiltak vert prioritert. Organisasjonar som søker skal vere opne for alle som ønskjer medlemsskap.

- Søknader med barn og unge som målgruppe vert prioritert.

- Nyskaping og samarbeid, og godt skisserte prosjekt vert prioritert framfor tilskot til drift.

3.3. Elektronisk søknadsskjema skal nyttast.

- I søknader om driftstilskot skal det opplysast om tal medlemmer over og under 18 år.

- I søknader om prosjekttilskot skal prosjektomtale og budsjett leggast ved. Innkjøp av utstyr er ikkje dekka av ordninga.

3.4. Lag og organisasjonar som søker må ha organisasjonsnummer og vere registrert i Frivilligregisteret. Profesjonelle kulturutøvarar må opplyse om foretaksnummer.

3.5. Dersom tildelte kulturmidlar vert nytta til andre føremål enn det som er søkt om, kan Kinn kommune krevje beløpet tilbakebetalt.

3.6. Det er sett vilkår om at arrangørar som vert tildelt kulturmidlar aksepterer følgjekortordninga.

3.7. Det skal opplysast i annonser og liknande at Kinn kommune støttar tiltaket.