For bestilling av tid for borgarleg vigsel nyttar du vårt elektroniske skjema.

Før de kan gifte dykk
Før de giftar dykk, må Skatteetaten sjekke om de oppfyller vilkåra for å inngå ekteskap. Det vil seie at de må sende inn ein del papir. Behandlingstida er to-tre veker, så ver ute i god tid før vigselen. Er begge norske kan de bruke den digitale innloggingstenesta for prøving av ekteskapsvilkår via Skatteetaten.

Om alt er i orden skriv Skatteetaten ut ein såkalla prøvingsattest, som viser at de oppfyller vilkåra for å inngå ekteskap. Du skal sende eller levere prøvingsattesten til Kinn kommune. Prøvingsattesten er gyldig i fire månader. 

For meir informasjon sjå Skattetaten: Vegen til ekteskapet - steg for steg.

Vigslane vil som hovudregel gå føre seg på kommunale bygg i Florø eller Måløy. De kan også be om alternative plassar.

Reiseavstand og reisetid kan påverke vigslar sitt høve til å vere fleksibel, så ta gjerne kontakt med oss i god tid for avklaringar.

For vigslar som blir gjennomført i bysentra i Florø eller Måløy, og innanfor den ordinære arbeidstida, vert det ikkje kravd betaling. For andre stader og tidspunkt må de pårekne at de må dekke dei faktiske meirkostnadane. Dette vert avklart i god tid før vigselen.

I seremonien nyttar vi det borgarlege vigslingsformularet, som er ein tekst som vigslaren les opp. Øvrige rammer for vigselen må de som brudepar organisere sjølve. Dette kan vere slik som pynt utover det kommunen tilbyr, dekorasjonar, musikk og andre innslag.

Kommunen sender vigselsmelding til Folkeregisteret innan 3 dagar etter vigselen. Endeleg vigselsattest vil de motta frå Folkeregisteret. Kommunen utsteder ein midlertidig vigselsattest.

Frå 01.03.2020 vil du som nygift motta ei stadfesting på vigsel digitalt frå Folkeregisteret, i staden for å motta ein vigselsattest på papir i postkassa. 

Dersom du som nygift likevel ønsker å få utstedt ein vigselsattest på papir, bestiller du dette på Skatteetatens nettsider.

Er du ikkje busett i Norge?

For personar som ikkje er busett i Norge, men gifter seg etter norsk rett, vil Folkeregisteret fortsatt sende ut ein vigselsattest i brevpost. Dette fordi personar busett i utlandet har behov for ein slik attest for å registrere vigselen i sitt lands folkeregister. 

Dersom du skal endre namn i samband med vigselen, ordnar du dette sjølv på skatteetaten sine heimesider. 

Bryllupsreise? Husk nytt pass dersom du har endra namn. Ta i så fall kontakt med politiet. 

Vigslarar i Kinn kommune er:

Ordførar, varaordførar, Linda Larsen, Jeanett Jensen, Kristin Maurstad, Sissel Leni Sundal Nærø, Norunn Stavø, Margit Kløvfjell, Jan Henrik Nygård, Jacob Nødseth, Tove Lill Refvik Volle, Edvard Iversen, Morten Andreas Hagen, Øyvind Bang-Olsen, Bodil Gjerde og Frida Rogne.

• Vilkår for å inngå ekteskap
• Forskrift om kommunale vigslar 
• Ekteskapsloven
• Forskrift om registrering og melding om vigsel