Ein tryggleiksalarm er ein alarmknapp du kan nytte for å tilkalle hjelp i akutte situasjonar. Den kan bærast som eit smykke eller som ei klokke på handleddet. Føremålet med ein tryggleiksalarm er at den skal fungere som støtte for både deg som brukar, pårørande og tilsette i helse- og omsorgstenesta.

Kinn kommune nyttar Alarmsentralen som responssenter. Når du utløyser alarmen blir du kontakta av responssenteret via alarmboksen. Responssenteret tek så kontakt med heimetenesta som kjem heim til deg så fort dei kan. 

Tryggleiksalarmen passer for deg som bur heime og har ein sjukdom eller tilstand som gjer at du har behov for å tilkalle hjelp i akutte situasjonar.

Når vi mottek søknaden din vil vi vurdere om tryggleiksalarm vil vere hensiktsmessig for deg.

• Du har ein sjukdom eller tilstand som medfører akutt behov for hjelp
• Er det fare for at du kan falle og skade deg?
• Du har auka behov for tryggleik.
• Du må vere i stand til å nytte alarmen etter føremålet og vere motivert for tilbodet.
• Vurdering av om du evnar å forstå bruk av tilbodet.

Bruk vårt skjema for søknad om omsorgstenester.

• Det er 1 månad oppseiingstid.
• Ved tap av alarmknapp må du erstatte denne. 
• Ved behov for nye batteri og/eller slitasje på reim er dette forbruksvare som du må dekke sjølv.
• Dersom du ikkje er busett på fastlandet eller bur langt i frå heimetenesta si plassering, må du ha ein person i nærområdet som tek på seg ansvaret for å reise ut når du nyttar tryggleiksalarmen.
• Tiltaket skal vurderast kontinuerleg og straks avsluttast så snart det ikkje er forsvarleg eller behov for.
• Alarm vil bli montert så snart det er kapasitet etter vedtak. 
• Det vil bli gitt opplæring og rettleiing.
  
  Du må: 
• fortløpande vurdere behov for tenesta.
• sette deg inn i bruken av tryggleiksalarmen.
• følgje rutinar for aktivering/deaktivering.

Kommunen har plikt til å behandle søknaden din så snart som mogleg. Dersom det ikkje kan avgjerast innan 4 veker skal du ha skriftleg melding om dette, med opplysingar om når du kan vente at det vert gjort vedtak i saka.

Vurdering

Vi kartlegger søknaden din før du får svar.

Sakshandsamar vil kontakte deg for å snakke med deg om søknaden og avtale eit heimebesøk om det vert vurdert som naudsynt i høve til søknaden du har levert.

Når det vert gjort vedtak i saka vil det i vedtaket gå fram om du har fått tildelt tenesta eller ikkje, og kva tenesta omfattar. Du skal alltid få ei grunngjeving om det kan tenkast at du er ueinig i vedtaket. Dersom du ikkje får denne grunngjevinga, og du er misfornøgd med vedtaket, kan du få ei slik grunngjeving ved å kontakte leiar for tildeling. Dette må skje innan 3 veker etter du har mottatt brevet.

Vedtakt om tryggleiksalarm kan klagast på etter forvaltningslova §§ 28 og 29.
Klagefristen er 4 veke etter at vedtaket er motteke.

Klaga må grunngjevast og du må fortelle kva du ønsker vedtaket omgjort til. Dersom du treng hjelp og rettleiing, kan du vende deg til tildelingskontoret.

Kommunen pliktar å ta saka opp til ny vurdering. Dersom det ikkje vert gjeve medhald vert klaga send til Statsforvaltaren for vurdering og endeleg avgjerd.

Klaga skal sendast:

Kinn Kommune v/ Tildeling helse og velferdstenestar, postboks 294,6701 Måløy.