HeimesjukepleieLytt til tekstenStopp avspillingDu kan få heimesjukepleie om du treng nødvendige helsetenester og ikkje er i stand til å oppsøke helsetenestene sjølv. Personar som på grunn av sjukdom, funksjonshemming, eller andre årsakar er i ein situasjon der dei treng hjelp kan få dette tilbodet.Gå til oversikt for kontaktpersonarGå til søknadsskjema for heimesjukepleie Kva kan vi hjelpe deg med? Heimesjukepleie er eit tilbod til deg som har behov for nødvendig helsehjelp, opptrening, opplæring eller hjelp til å meistre daglege aktivitetar. Dei tilsette i heimesjukepleien kan blant anna hjelpe deg med å ta medisinar, tilrettelegge måltid og hjelpe deg med personleg hygiene. Heimesjukepleien vil tilrettelegge for at du skal klare deg mest mogleg sjølv, slik at du fortsatt kan bu heime. Kva kan du forvente av oss? At du og heimen din blir behandla med respekt At vi har synleg legitimasjon At du får ein kontaktperson som har hovedansvar for den hjelpa som du mottek At dei tilsette har nødvendig helsefagleg kompetanse, men at nokre gonger kjem assistentar,lærlingar og studentar heim til deg fordi vi er ei lærande bedrift. Kva forventar vi av deg? At du gjer dei aktivitetane som du klarar sjølv At du er positiv til å prøve ut ny teknologi (velferdsteknologi)som kan hjelpe deg til at kvardagen din vert enklare og meir sjølvstendig At du sjølv administrerar medisinane dine når du klarer det At du tek imot hjelpemidlar om du har behov for det At du om du har tryggleiksalarm bare nyttar den ved akutte behov for helsehjelp At du låser opp for oss om du kan, sjølv om vi har nøkkel At du har synleg namn og nummer på huset ditt, og opplyst inngang At du gir beskjed til oss i god tid om du ikkje treng hjelp eller du skal reise vekk At du lufter godt inne om du røyker, og ikkje røyker rett før vi kjem At du har tørkepapir,bossposar og flytande handsåpe tilgjengelig At du har mikrobølgeovn om du trenger hjelp til /skal trene på å varme middag At du har personvekt dersom du får hjelp til veging At du gir tilbakemelding dersom behovet ditt endrar seg og/eller du ikkje er fornøgd med dei tenestene du får Slik behandler vi søknaden din Kommunen har plikt til å behandle søknaden din så snart som mogleg. Dersom det ikkje kan avgjerast innan 4 veker skal du ha skriftleg melding om dette, med opplysingar om når du kan vente at det vert gjort vedtak i saka. Vurdering Vi kartlegger søknaden din før du får svar. Sakshandsamar vil kontakte deg for å snakke med deg om søknaden og avtale eit heimebesøk om det vert vurdert som naudsynt i høve til søknaden du har levert. Når det vert gjort vedtak i saka vil det i vedtaket gå fram om du har fått tildelt tenesta eller ikkje, og kva tenesta omfattar. Du skal alltid få ei grunngjeving om det kan tenkast at du er ueinig i vedtaket. Dersom du ikkje får denne grunngjevinga, og du er misfornøgd med vedtaket, kan du få ei slik grunngjeving ved å kontakte leiar for tildeling. Dette må skje innan 3 veker etter du har mottatt brevet. Betaling Heimesjukepleie er ei gratis teneste. Du kan klage på vedtaket Dersom du er misnøgd med vedtaket, kan du klage til kommunen innan tre veker frå du mottok vedtaket. Forklar kva du er misnøgd med og kvifor du meiner at vedtaket bør endrast. Treng du rettleiing, kan du vende deg til leiar for tildeling. Kommunen pliktar då å ta ei ny vurdering. Blir avgjerda ståande, blir saka sendt vidare til Fylkesmannen, som avgjer om klaga skal takast til følge. Dette får du melding om. Klaga skal sendast: Kinn kommune v/ tildeling helse og velferdstenester, postboks 294,6701 Måløy. Lover og retningsliner Prinsipp og kriterium for tildeling av tenester i Kinn kommuneLov om pasient og brukerrettigheterLov om kommunale helse og omsorgstjenesterForvaltningslova Publisert av Henrik Ulriksen Publisert 20.09.2019 09.11 Sist endra 26.08.2025 07.20