13 Orienteringsplan og detektorplan-informasjon

Brannvesenet ser det som hensiktsmessig at brannalarmanlegget sin o-plan og byggverket sin orienteringsplan etablerast som ein og same plan. Dette vil bl. a. hjelpe brannvesenet sine mannskap til raskast mogleg å finne fram til riktig detektor når brannalarmen er utløyst. O-planen skal utførast etter følgande kriterier:

• Ved siden av brannalarmsentral og eventuell undersentral/brannmannspanel skal det finnast orienteringsplanar og ana informasjon for brannmannskapene. Det skal vere O- orienteringsplan for kvar enkelt etasje og med etikett som viser etasjetall. Dette gjer det enkelt for rednings- og sløkkemannskap å finne riktig teikning. Det bør vere to sett med laminerte orienteringsplanar i A3 format liggande – ett sett til vedkommande som betener brannalarmsentralen og ett sett til vedkommande som undersøker årsak til utløyst alarm ein anna stad i bygget.
• Ein o-plan skal vere lettlest og informativ, og ikkje ha meir informasjon enn høgst nødvendig for raskast mogleg å finne fram til utløyst detektor.
• O-planen skal vere opphengt på vegg ved brannsentral. I større bygg der det er fleire brannsentralar (slave-sentralar) skal det finnast eit komplett sett ved kvar sentral.

Orienteringsplan ved den enkelte brannalarmsentral må ha referansepunkt som viser:

• Kvar i bygningen man er.
• Brannkummer/-hydrantar.
• Angrepsvegar for brannvesenet til bygningen.
• Trapperom i bygningen.
• Fareområder i bygget, f.eks. områder med oppbevaring/bruk av farlege stoff.
• Plassering av sprinklersentral, tavlerom, ventilasjonsrom, fyrrom og stoppekraner.
• Viktige branntekniske konstruksjonar og installasjonar/utstyr.

Eventuelle deteksjonssoner eller sløyfer skal framkome ved at detektorar er merka med riktig sone/sløyfenummer. Adresserbare detektorar skal merkast med nummer både på o-plan og på sjølve detektoren.

Detaljinformasjon for kvart rom, som areal, laust inventar og målsetting skal ikkje vere med.

O-planen skal delast opp i rutenett (akser) med koordinat-system:
Horisontalt = tall, vertikalt = bokstavar.

Det er området mellom akser som skal nevnast, og ikkje sjølve aksen.

Det bør fortrinnsvis brukast eit ark for kvar etasje. I store bygg der o-planen må delast opp i fleire ark (seksjonar), må dette framkome klart på o-planen sitt lille oversiktskart. (f.eks kjøpesenter, sjukehus, industri og institusjonar)

Det skal alltid finnast eit lite oversiktskart på kvar o-plan for å vise plassering av bygget i forhold til gater og omkringliggande bygningsmasse. På komplekse bygningsmasser skal det finnast ein større oversiktsteikning som viser aktuelt område brannsentral og o-plan.'