Målet med prosjektet

Målet med prosjektet er å byggje ein ny brannstasjon som stettar krava frå både DSB og Arbeidstilsynet. Det er også viktig at prosjektet gjer grundige vurderingar av både krav og behov. Som følje av kommunen sin “stramme” økonomi, er det viktig å begrense innhaldet i investeringa til kun heilt naudsynte og lov pålagde krav.  

Prosjektet skal også arbeide mot at gjennomføringa av prosjektet gir rom for god konkurranse i marknaden, slik at investeringsramma ikkje blir utfordra. Prosjektet skal søke å gje rom for at lokale aktørar kan bidra inn mot realiseringa av prosjektet. Dette inn-forbi ramma som gjel innan offentlege anskaffelsar.

Teneste og kapasitet som er knytt til brannstasjon funksjonen

Brannstasjonen og funksjonane knytt til denne skal ivareta innsatsfaktoren for heile nordre del av Kinn kommune. Denne delen av kommunen utgjer ca. 5500 innbyggarar. I tillegg er det gjort avtale med Stadt kommune om at stasjonen i Måløy skal ivareta brann og redningsteneste for Flatraket og Bryggja som representerer ca. 1000 innbyggarar

Funksjonane knytt til brannstasjonen er som følgande

• Brann og redningsteneste
• Beredskapsteneste
• Førebyggande arbeid
• Feieteneste