Gate 1 i Måløy

Kinn kommune skal oppruste den kommunale delen av Gate 1 i Måløy sentrum. I samband med dette vil vi gjennomføre ei oppgradering av overflatene i gata med nytt overvassanlegg, ny belysing, nye avløpspumpestasjonar og nytt vass- og avløpsanlegg.

Illustrasjon av Gate 1 når prosjektet er ferdigstilt.

Ytre Miljø

Anleggsdrifta skal ta omsyn til næring, busette og trafikk i nærliggande område til anlegget. Dette gjeld tiltak mot støv, støy, rystelsar m.m., og oppretthalde ferdsel for både mjuke og harde trafikantar. Anleggsstaden skal sikrast mot tilkomst for uvedkomande.

Arbeid skal normalt ikkje gå føre seg før kl. 7.00 og etter kl. 20.00 på kvardagar, og ikkje på søndagar eller heilagdagar. Unntak er eventuelt arbeid med kryssing eller stenging av hovudvegar (riksveg/fylkesveg/kommunal veg) utan omkøyringsmoglegheiter, og arbeid med omkopling av vassforsyning.

Detaljert informasjon til butikkane langs Gate 1

ACO anlegg skal ta kontakt med alle butikkane langs gata i næraste framtid for å informere i detalj om framdrifta. Det skal ikkje vere behov for at butikkane må stengast under anleggsperioden. Arbeida ved inngangane skal utførast utanfor opningstid for butikkane. Det skal etablerast midlertidig tilgang til alle eigedomar langs gata for mjuke trafikantar og varelevering kan koordinerast og avtalast med ACO.

Kontakt informasjon ACO Anlegg:

Marte Skår Anstsen
marte.skar.arntsen@acoanlegg.no
404 35 431

Asle Vatne Drabløs
asle@acoanlegg.no
909 53 407

Fase- og framdriftsplan

Arbeidet vert lagt opp slik at det til ei kvar tid er mogleg med framkomst for både mjuke og harde trafikantar i anleggsperioden.

Faseplanar skal visualisere korleis entreprenøren planlegger å fysisk jobbe seg gjennom området.

Vedlegg: Sjå faseplanar for Gate 1 i Måløy (PDF, 7 MB)

Prosjektstatus

Framdrifta skal oppdaterast annan kvar veke etter kvart byggemøte.

Status per 7. mai 2025

Stenging av Gate 1

Gate 1 blir open igjen mellom Spiralen og Thon Hotell neste veke (v. 20), når asfaltering er ferdigstilt.

Når anleggsgartnar er ferdig med fortau/sideareala i løpet av mai, blir Gate 1 open fram til Jernia, og det blir mogleg med gjennomkøyring nordover gjennom Sjøgata, frå Jernia.

VA-anlegg og kabelgrøft

Entreprenøren er ferdig med hovudleidningar i Gate 1.

Det vert arbeidd med etablering av permanent vassforsyning til abonnentane frå nye vannkummer og tilkopling av stikkleidningar for spillvatn og overvatn mellom Framsteg og Torget.

Kabelgrøft nærmar seg Torget, og fortset nordover.

Overflate/veg

Anleggsgartnaren er nesten ferdig med steinlegging fram til Jernia.

Neste veke skal det asfalterast i Gate 1 mellom Spiralen og Jernia, også i Sjøgata mellom Torget og Kaibutikken, og mellom JobbPartner og Bekka.

Kommande arbeid

VA-anlegg og Kabelgrøft:

Kabelgrøft fortset nordover frå Torget.

Det blir VA-arbeid frå Gate 1 (Riksveg 15) til Sjøgata (bensinstasjon).

Overflate/veg:

Anleggsgartnarane fortset nordover Jernia med steinlegging.

Publisert 26.08.2024 12.26

Sist endra 07.05.2025 12.59