No inviterer Kinn kommune saman med Nordfjordkommunane, Sunnfjord kommune (dato kjem) og Høgskulen på Vestlandet (HVL) til informasjonsmøte om utdanning og vidareutdanning innan barnehage og grunnskule.
Dette er ei gyllen moglegheit for deg som vil satse på ei trygg, meiningsfull og framtidsretta karriere.
Informasjonsmøte i mars
Du kan møte oss her:
📍 Eid, operahuset – 3. mars 2026, kl. 18-20
📍 Florø kulturhus, festsalen – 4. mars 2026, kl. 18 - 20
Bur du i Måløy? Då kan du velje om du vil delta på Eid eller i Florø.
På møta får du:
- informasjon om behovet for lærarar og barnehagelærarar i regionen i åra som kjem
- oversikt over kva kommunane kan tilby deg som pedagog
- presentasjon av studietilbod ved HVL
- informasjon om vidareutdanning og moglegheiter for å tilpasse studieløp i samarbeid med kommunane
- svar på praktiske spørsmål om søknad, gjennomføring og kombinasjon av jobb og studium
Det blir tid til spørsmål og dialog.
Kven bør komme?
Møtet er aktuelt for deg som
- går på vidaregåande og vurderer lærarutdanning
- er vikar eller ufaglært i skule eller barnehage
- allereie jobbar i oppvekstsektoren og ønskjer vidareutdanning
- manglar studiepoeng for å fullføre utdanning
- har utdanning frå utlandet og vil bli godkjend lærar i Noreg
- har familie og jobb, men ønskjer å ta utdanning
- er leiar eller rådgivar
- rett og slett er nysgjerrig på læraryrket
Meld deg på innan 1. mars
Det er eiga påmelding via Forms via denne lenka
👉 Påmeldingsfrist: 1. mars 2026
Ei utdanning for framtida
Kommunane i regionen har stort behov for fleire kvalifiserte lærarar og barnehagelærarar. Dette gir gode moglegheiter for arbeid og fagleg utvikling i åra som kjem.
Anten du står heilt i starten av utdanningsløpet – eller vurderer vidareutdanning – håpar vi du tek turen.
Vi gler oss til å møte deg!