Tidlegare testar har gitt svært lovande resultat. No skal teknologien prøvast ut under lokale forhold i Florø for å verifisere effekten.

Del av forskings- og utviklingssamarbeid

Testinga er ein del av eit forskings- og utviklingssamarbeid mellom Kinn kommune, Renasys, Hellenes og fleire nabokommunar. Arbeidet inngår i prosjektet Mission Zero.

Her blir containaren plassert ut i Stranda.

Utvikling av betre løysingar for avløpsreinsing

Målet med prosjektet er å utvikle og dokumentere meir effektive metodar for reinsing av avløpsvatn. Mellom gevinstane ein ønskjer å oppnå er

• mindre arealbehov
• mindre bruk av kjemikaliar
• høgare reinseeffekt
• lågare kostnader ved bygging og drift av anlegg

Vi er stolt over å vere med i dette arbeidet. Teknologien kan gi både miljømessige og økonomiske gevinstar, og bidra til meir berekraftige løysingar for å handtere avløp.