Kva er Friskus, og kvifor bør du delta?

Friskus er ei digital plattform der innbyggarane kan finne informasjon om aktivitetar og arrangement. For kommunen er plattforma eit viktig verktøy for å:

• Synleggjere aktivitetstilbod frå t.d. lag, organisasjonar, og kommunen sine tenester.
• Legge til rette for auka deltaking og inkludering i nærmiljøet.
• Handtere tildeling av midlar til barn og unge som treng økonomisk støtte for å delta i aktivitetar.
• Gi lågare terskel til kommunal informasjon og tenester

Som deltakar vil du få ei innføring i korleis du kan bruke Friskus for å planlegge, registrere og administrere aktivitetar, både som arrangør og kommunetilsett.

Tid og stad–  Ønsker du å delta digitalt eller berre følgje sendinga? Då kan du delta på arrangementet 15. januar i Florø

I formannskapssalen i Måløy rådhus 14. januar

• Kl. 14.00 – 15.30
• Kl. 18.00 – 19.30

I festsalen på Florø kulturhus 15. januar

• Kl. 12.00 – 13.30 (klikk her for å følgje sendinga)
• Kl. 16.00 – 17.30 (klikk her for å følgje sendinga)

Dersom du ønskjer å vere aktiv deltakar og stille spørsmål på Teams i Florø, kan du skrive inn e-postadressa di under påmeldinga – då sender vi innkalling til deg på e-post slik at du kan delta på Teams. Påmeldingslenke finn du lenger nede. Du kan også følgje sendinga digitalt i kommuneTV ved å trykke på lenkene ovanfor.

Program

• Introduksjon til Friskus: Kva er det, og korleis fungerer det?
• Praktisk opplæring: Korleis registrere aktivitetar og lage arrangørsider.
• Rettleiing om tildeling av midlar: Korleis støtte familiar i behov.
• Tips og spørsmål: Moglegheit til å dele erfaringar og få svar på praktiske utfordringar.

Påmelding og praktisk informasjon om samlingane

For å delta, meld deg på innan 10. januar kl. 12.00. Det er lurt å ta med seg eigen PC, og ha klart organisasjonsnummer og ev. kontonummer for organisasjonen din til samlinga. 

MELD DEG PÅ

På ettermiddag/kveldstid blir det servering med mat og drikke – for å unngå matsvinn er det fint at de melder dykk på!

Fyll inn e-postadressa di dersom du ønskjer å delta i Teams for å stille spørsmål.

Vi håpar at både tilsette, lag, organisasjonar og alle som bidreg til aktivitet og engasjement i lokalsamfunnet, ser verdien i denne opplæringa og blir med oss for å skape eit inkluderande og levande nærmiljø!