Til den rådgjevande folkerøystinga kan du som har røysterett førehandsrøyste i perioden 1. juni - 12. juni, og på valdagen 15. juni. Laurdag den 6. juni er det også mogleg å røyste på Måløy brygge mellom kl. 12.00 - 15.00.

Les meir om den rådgjevande folkerøystinga her

Kven som har rett til å røyste

Du har rett til å røyste ved skifte av hovudmål i grunnskolen dersom du oppfyller følgande vilkår:

• Du bur i området som soknar til skolen, jf. opplæringslova § 2-6
• Du har røysterett etter valglova § 2-2
• Du er registrert i folkeregisteret som busett i kommunen seinast 30 dagar før røystemøtet

I tillegg har følgande foreldre røysterett:

• Foreldre til barn på 1.–7. trinn ved skolen
• Foreldre til barn som har fått tildelt skuleplass på 1.–7. trinn ved skolen

For å bli ført opp som røystefør forelder, må krav om dette vere sendt til eller meldt til kommunen seinast tre veker etter at røystinga første gong er kunngjort.