Orienteringssaker

Det er fleire orienteringssaker på møteagendaen denne dagen. Mellom anna vert det orientering om eigedomsskatt, status på arbeidet med samskaping mellom Kinn kommune og frivillig sektor, prosjekt bustad i sentrum, prosess og framdrift på endring av skulestruktur. 

Vedtakssaker

Det ligg totalt 20 saker på saklista til kommunestyremøte. Den største saka handlar om slutthandsaming av detaljregulering for Måsholmen. 

Saka gjeld gjentatt slutthandsaming av detaljreguleringsplan for nærings- og hamneutbygging på Måsholmen–Håskjæra (gbnr. 28/3), etter at kommunestyret i sak 063/24 utsette endeleg vedtak for å vurdere alternative løysingar i Gunhildvågen. I etterkant er det utarbeidd ei moglegheitsstudie av Asplan Viak som vurderer Trolleskjæret/Gunhildvågen som alternativ lokalisering for kai og næringsareal, med konklusjon om at alternativet er mogleg, men mindre optimalt enn Måsholmen grunna utfordringar knytt til regularitet, drift og kostnader.

Saka vert lagt fram for kommunestyret med same tilråding som vart gjort i 2024. Du kan lese saka og tilhøyrande dokument ved å følgje denne lenka.

Når kommunestyret skal handsame ein reguleringsplan har dei to val. Det vil seie at dei kan vedta ein reguleringsplan slik den vert lagt fram frå plan- og miljøutvalet. Eller dei kan avslå planen. Dersom dei avslår planen, kan dei samtidig vedta å sende den tilbake til plan- og miljøutvalet, med føringar om kva for endringar som skal gjerast. Så må den eventuelt tilbake til kommunestyret for slutthandsaming, etter at endringar er gjort.

Direktesending