Undersøkinga er gjennomført i både Florø og Måløy, og resultata er jamt over svært gode på tvers av tenestene. I målinga er 1 beste skår og 3 svakaste skår, og dei fleste tema ligg tett opp mot beste nivå. Resultatet i undersøkinga er basert på svar frå 242 av våre brukarar.

Høg tilfredsheit på kjerneområda

Dei beste resultata finn vi innan

• høflegheit og respekt
• tilgjengelegheit
• tryggleik
• generell tilfredsheit
• bruk av teknologi

Dette viser at brukarane i stor grad opplever tenestene som trygge, respektfulle og føreseielege, og at velferdsteknologi fungerer godt som ein del av tilbodet.

Tydelege utviklingsområde

Undersøkinga peikar samstundes på nokre område der brukarane gir noko høgare snitt (svakare vurdering). Dette gjeld mellom anna

• primærkontakt/koordinator
• sosial kontakt og deltaking
• samarbeid med frivillige
• eigenvurdert psykisk helse

Desse resultata heng i hop med funn frå tidlegare undersøkingar i 2020 og 2023, og gir eit tydleg grunnlag for vidare kvalitetsutvikling.

Positive trendar over tid

Ser ein utviklinga frå 2020 til 2025, er hovudbildet positivt. Kinn kommune har halde oppe eit stabilt høgt kvalitetsnivå på tryggleik, respekt og tilfredsheit. 

Samstundes har det vore ei tydleg utvikling innan

• auka bruk av velferdsteknologi
• meir systematisk fokus på aktivitet og sosial deltaking
• større innslag av frivillige tilbod

Særleg teknologi i bruk viser ein sterk positiv trend og er no ein naturleg del av kvardagen for mange brukarar.

Vidare arbeid

Resultata frå brukarundersøkinga vil bli nytta aktivt i det vidare forbetringsarbeidet. Kommunen vil mellom anna arbeide vidare med å

• styrke primærkontakt- og koordinatorrolla
• vidareutvikle tilbod for sosial kontakt og aktivitet
• halde fram med målretta bruk av velferdsteknologi
• styrke samarbeidet med frivillige aktørar

Samla sett viser brukarundersøkinga 2025 at omsorgstenestene i Kinn kommune står støtt – med svært gode brukarvurderingar og eit godt grunnlag for vidare utvikling.