Arbeidet med å ordne og bevare arkiva handlar om å sikre viktig historisk dokumentasjon, slik at ho ikkje går tapt, og slik at både innbyggarar og kommunen kan få tilgang til opplysningane i framtida. 

Totalt skal rundt 350 hyllemeter med papirarkiv sorterast, pakkast og flyttast til arkivdepot. Nedpakking startar i veke 19, og transport til arkivdepot er planlagt i veke 21 og 22. Arkivmaterialet vil vere utilgjengeleg i denne perioden, og også ei tid etter transporten på grunn av utpakking og klargjering hos KAV. 

Det kan føre til at kommunen i nokre tilfelle ikkje klarer å svare på innsynskrav innan fristen på tre verkedagar. 

Arkivmaterialet som blir omfatta, gjeld i hovudsak:

• tekniske arkiv 1920-2019 (prosjektdokumentasjon, branndokumentasjon, VA-dokumentasjon, møtebøker)
• landbruksarkiv 1965-2018 (konsesjonssaker, hjorteval, møtebøker)
• formannskapsarkiv 1923-1995 - Vågsøy kommune (sentraladministrasjonen, møtebøker formannskap, møtebøker kommunestyre)

Eigedomsarkivet (byggesaker og oppmålingssaker) vil vere tilgjengelege som vanleg. 

For å sikre raskast mogleg behandling av innsynskrav, oppmodar vi til å bruke kommunen sitt elektroniske skjema Innsynskrav.

Vi beklagar ulempene dette kan medføre, og vil behandle innsynskrav så raskt som mogleg.