Gangvegen mellom Albertatunet og Storevatnet vert stengt frå torsdag 27. november og fram til jul for å bygge ny trase. I denne perioden kan det for nokre vere betre å gå via Klubbhuset.

Vedlegg

1. Oversiktskart for ny gangtrase frå og med torsdag 27.11.25 og fram til jul. (PDF, 123 kB)
2. PDF med gangmønster etter jul – viser kor den nye traseen mellom Albertatunet og Storevatnet vil ligge. (PDF, 5 MB)

Bakgrunn for endringane

Det vart avdekka ein kabeltrasé langs Kinnvegen som må frigravast for å etablere ein sikringsvegg. Sikringsveggen består av stålrør som skal borast ned i fjell, og all infrastruktur må flyttast før dette arbeidet. Dette var ikkje del av den opprinnelege planen, men er nødvendig grunna uforutsette forhold i grunnen. Føresetnaden var å etablere gangvegen først, men planane må no justerast.

Tiltak for tryggleik

• Stans i lastebiltrafikk frå tomta kl. 8:10–8:40.
• Inn- og utkøyring mot Hans Blomgate vert stoppa for å redusere trafikkbelastning.
• Nytt overgangsfelt vert etablert tidlegare på Kinnvegen for å leie gåande bort frå inn-/utkøyring til tomta.
• Gatelys vert sett opp ved nytt overgangsfelt og ved overgangsfelt i Michael Sarsgate dersom det ikkje er eksisterande.
• Skulen plasserer vakter før skulestart for å hjelpe elevane:
  • Kryss Kinnvegen/Michael Sars
  • Kryss Torggata/Hans Blom

Etter jul

• Den midlertidige gangvegen på sørsida av tomta vert operativ. Entreprenør sørgjer for god belysning med lyslenker på gjerde.
• Det nyetablerte overgangsfeltet i Kinnvegen vert vidare brukt for å leie gangtrafikk godt utanfor anleggsområdet.

Informasjon frå skulen

Vedlagt bilete av avsettingsplass for elevar som kjem frå nordaust (Kleiva). 

Ein kan setje av nede i Kleivabakken, og elevane kan gå langs Firdavegen til skulen. Dei kan då vere med i Elevar i Aktivitet-konkurransen. 

Skulen kan ikkje anbefale avsetting på privat eigedom, men ein kan bruke betalte parkeringsplassar og følgje elev om det er behov, til dømes ved Amfi-senteret. Nokre føresette har meldt at sett at enkelte setter av barna ved Meca Florø – om ein vel å gjere dette, minn på at elevane må bruke overgangsfelt for å unngå farlege situasjonar.

Vedlegg

Bilete av avsettingsplass for elevar som kjem frå nordaust (Kleiva) (PDF, 216 kB).