Stein frå Kinn til kunstprosjekt i Regjeringkvartalet!Lytt til tekstenStopp avspillingKinn kommune ønskjer å vere med på kunstprosjektet i regjeringskvartalet. Kunstverket, med arbeidstittelen Substitute, vil vere eit 800 kvm stort golv. Det er den Berlin-baserte palestinske kunstneren Jumana Manna som har fått oppdraget. I dag har Bortheim Transport henta steinen frå Kinn og skal frakte den vidare. LøkkebøsteinenKinn kommune har valt ut Løkkebøsteinen, ein lokal stein i kvartsitt. Denne typen stein er mykje nytta i Florøområdet m.a. i trapper til Brandsøyåsen og langs Storevatnet. Det er park/grøntavdelinga v/ Anders Espeset som har gjort dei faglege vurderingane i forhold til val av stein. Løkkebøsteinen er hovudsakleg lys grå, men steinen vi sender er med eit fint raudskjær. Kultursjef Anita Solbakken har inngått avtale med Bortheim Transport om å få frakta steinen. KORO står bak prosjektet både kunstnerisk og økonomisk.Her kan du lese om prosjektet Publisert 01.11.2023 15.23 Sist endra 05.12.2023 14.35