Du kan søkje om tilskot til kulturhus, fleirbrukslokale eller spesiallokale for kunst og kultur, som bibliotek, bygg for museum eller andre kulturverntiltak, scenekunstlokale, konsertsal eller formidlingslokale for biletkunst. Tilskot kan også gjevast til etablering av livssynsnøytrale seremonirom.

Midlane kan nyttast til nybygg, ombygging og modernisering av kulturbygning, men ikkje til vedlikehald eller drift.

Søknadsfrister og informasjon

Fristen for å søke om tilskot til kulturbygg er 15. februar. 

Alle søknader for spelemidlar skjer elektronisk via nettsida Anleggsregisteret.no.

På nettsida til Anleggsregisteret finn du også alt du treng å vite om søknadsprosessen. Du finn også nyttig informasjon på Vestland Fylke sine sider på denne lenka.

For å kunne levere ein best mogleg søknad kan du kontakte kommunen. Då får du rettleiing og råd i søknadsprosessen.

Ansvarleg for ordninga i Kinn kommune er Sander Ødelien, e-post: sander.odelien@kinn.kommune.no.