Programmet startar kl. 12.30 med parade frå Spiralen, vidare opp Gate 2, ned til Glassmagasinet og til Verlo, før garden går gjennom Sjøgata til Torget.

Kl. 13.00 vert det offisiell opning på Torget ved varaordførar Frank Willy Djuvik. Det vert også minnesmarkering og konsert med garden.

Seinare på dagen, kl. 18.00, vert det Ola-drill med Hans Majestet Kongens Garde på Skavøypoll stadion.

Gate 1-prosjektet har vore eitt av dei største sentrumsprosjekta i Måløy dei siste åra. Arbeidet har omfatta ny steinlegging, oppgradering av VA-anlegg og kabelgrøfter, samt fleire tiltak for å gjere gata meir moderne og tilgjengeleg. No er prosjektet i sluttfasen, og sentrum får endeleg ta i bruk ei oppgradert Gate 1.