Plan og miljøutvalet har i sak.nr. 042/25 godkjent at framlegg til Privat detaljregulering for Gaddholmen, gbnr. 27/1249, Hydrogenanlegg, PlanID 20240007, vert utlagt til offentleg ettersyn i samsvar med plan- og bygningslova § 5-2, § 12-10 og § 12-11.
Informasjonsmøte den 18. juni
Du er velkomen på informasjonsmøte den 18. juni, frå kl. 18.00 - 20.00, på Comfort Hotel Florø. Der vil planframlegget bli gjennomgått, og det vil vere mogleg å stille spørsmål.
Overordna arealplan og konsekvensutgreiing
Tiltaket er i tråd med nasjonale forventningar til regional og kommunal planlegging, som legg stor vekt på nullutsleppsløysingar i maritim sektor og grøn næringsutvikling. Tiltaket er òg i tråd med kommunen sin temaplanen for klima, berekraft og naturmangfald, og i samsvar med kommuneplanen sin arealdel for Kinn kommune, og med framlegg til ny kommuneplan som var på 1. gongs offentleg høyring i 2023.
Tiltaket fell under oppfangskriteria i Forskrift om konsekvensutgreiing § 6 og vedlegg I, punkt 6 bokstav b), og det er utarbeidd konsekvensutgreiing i samsvar med forskrifta.
Planframlegget vert lagt ut i to alternativ:
- Alternativ 1: Heile tomta vert regulert til industriføremål, noko som opnar for optimal arealutnytting og betre tilrettelegging for framtidig utviding. Dette inneber at den regulerte offentlege vegen i sør vert teken ut av denne detaljreguleringa og avslutta aust for planområdet.
- Alternativ 2: Den offentlege vegen vert vidareført, i tråd med gjeldande reguleringsplan. Dette gir mindre fleksibilitet, men tek vare på dagens tilkomst til Rota.
Offentleg høyring og frist for innspel
Planframlegget er tilgjengeleg for gjennomsyn i tidsrommet 12.06.2025 – 15.08.2025.
Eventuelle merknader/innspel kan sendast til kommunen på elektronisk høyringsskjema som de finn på kommune si heimeside. De kan og sende merknader/innspel i post til Kinn kommune, Postboks 294, 6701 Måløy, eller via epost til post@kinn.kommune.no, seinast 15.08.2025.
Planframlegget med relevante dokument