Grunngjevne forslag skal sendast post@kinn.kommune.no innan 1. mars og merkast med kva pris eller stipend det gjeld. Prisane og stipenda blir utdelt 17. mai. 

Oppvekst- og kulturutvalet avgjer kven som skal tildelast kulturpris, mangfaldspris, kultur- og idrettsstipend. Ungdommens kommunestyre avgjer kven som skal tildelast Ungdommens kulturpris. Personar som er nominerte eller søkarar på stipenda må ha tilknyting til kommunen.

Kriterium for dei ulike prisane

Kulturprisen går til einskildpersonar, grupper, lag eller organisasjonar som har utmerka seg innan kulturarbeidet i året som har gått, for lang og tru teneste og/eller stor innsats for kulturlivet i kommunen. 

Mangfaldsprisen går til einskildpersonar, lag eller organisasjonar som har utmerka seg innan kulturfeltet for integrering, samhald og forståing mellom folk frå ulike kulturar. 

Kulturstipend og idrettsstipend går til einskildutøvarar, ei gruppe utøvarar eller leiarar som driv aktivt med kultur eller idrett. Stipendet er eit utøvarstipend som skal stimulere til vidareutvikling innan kultur/idrett. 

Lurar du på noko?

For meir informasjon kontakt kultursjef Anita Solbakken på tlf. 48 24 39 94 eller e-post anita.solbakken@kinn.kommune.no.

For å sjå tidlegare tildelingar kan du klikke her.