For dei tilsette på kulturskulen og i kulturtenesta blir kvardagen, for alle som jobbar med fag, på mykje den same måten som før. Gevinsten vil bli eit større kollegium med kulturtilsette i same teneste. Dette vil gi moglegheita for ei meir kraftfull kultursatsing innanfor dei økonomiske rammene som ligg i vedteken økonomiplan, kommuneplanen sin samfunnsdel og rammeplan for kulturskulen. 

Målet er at dette på sikt vil føre til større utviklingskraft og ei meir heilskapleg satsing på kultur i Kinn kommune. Samarbeid med profesjonelle og frivillige kulturaktørar vil vere viktig framover.

Kultursjefstilling blir utlyst

Det blir no gjennomført ein prosess med tilsetting av ny kultursjef. Det vil bli ei ekstern utlysing.

Tenestene og aktiviteten skal framleis vere lokalisert der dei er ei god stund framover.