Å lese ute gir ei annleis og roleg ramme rundt lesestunda, og elevane får oppleve litteratur på ein ny måte. Høgtlesinga bidreg både til fellesskap og leseglede, og elevane lyttar konsentrert medan dei nyt omgjevnadene.

Neste veke får klassen eit ekstra høgdepunkt når forfattaren av boka kjem på skulebesøk. Då får elevane moglegheit til å møte personen bak forteljinga, stille spørsmål og lære meir om korleis ei bok blir til. Dette gjer leseaksjonen KinnLes til ei inspirerande oppleving for både små og store!

Torvmyrane held også fram

På småskulen i Kinn gjer vi mykje kjekt for å skape leseglede hos elevane. Når vi les, får elevane ta med seg tepper og puter, slik at dei kan sitje godt og kose seg med ei bok.

I friminutta kan dei som vil sitje inne og lese. Då er det alltid ein vaksen til stades som òg les saman med elevane. Slik viser vi at lesing er noko vi gjer i lag, og noko som er kjekt i alle aldrar.

Vi har felles songsamlingar der vi snakkar og syng om lesing og eventyr. Her deler vi tankar, fantasi og gode opplevingar med kvarandre.

Høgtlesing er ein viktig del av kvardagen vår. Vi har mellom anna lese Georgs magiske medisin, og etterpå har vi laga vår eigen «magiske medisin» i kunst og handverk – det var både kreativt og morosamt!

Vi har òg bokkafé, der elevane fortel om bøker dei likar, og blir inspirerte av kvarandre. Og sjølvsagt kosar vi oss med vafler medan vi les og pratar om bøker.

Alt dette gjer at lesing blir noko kjekt, sosialt og litt ekstra koseleg på småskulen.