Før kommunen tek endeleg stilling til vidare leigeforhold, ønskjer kommunen gjennom denne intensjonskunngjeringa å kartleggje om marknaden kan tilby alternative og relevante lokale for leige. Kommunen har behov for om lag 3 000 m² BTA til administrasjonsføremål, inkludert kontorarbeidsplassar, møterom, publikumsmottak og tilhøyrande funksjonar. Lokala skal vere eigna for kontorverksemd, publikumsmottak og generell kommunal administrasjon. 

Lokala skal vere samla i eitt bygg og ha universell utforming, med god tilgjenge for publikum og tilsette. 

Aktuelle lokale må vere lokalisert sentralt i Florø sentrum, innanfor området avgrensa av:

• Florø kulturhus i aust
• Fugleskjærgata i vest
• Hans Blom gate i sør

Gjennom denne intensjonskunngjeringa ønskjer kommunen å få oversikt over om det finst alternative lokale som kan tilbydast for leige i ein periode på 5 eller 10 år, med eller utan moglegheit for oppseiing. 

For å kunne vurdere aktuelle alternativ ber kommunen om følgjande uforpliktande opplysningar:

• Adresse og kort beskriving av lokala
• Tilgjengeleg areal (BTA)
• Stadfesting på at lokala er samla i eitt bygg
• Stadfesting på universell utforming og tilrettelegging for publikumsmottak
• Tidspunkt for mogleg innflytting
• Estimert leigepris per m² ved: 
  • 5-års kontrakt
  • 10-års kontrakt
  • (med og utan oppseiingsmoglegheit)
• Eventuelle særlege føresetnader knytt til leigeforholdet

Frist for tilbakemelding er 12.01.2026. Tilbakemelding og eventuelle spørsmål skal gjerast via KGV-systemet – alternativt til anskaffingssjef Arve Klokk via e-post arve.klokk@kinn.kommune.no.