Oppvekst og kulturutvalet gjorde i sak 003/26 følgjande vedtak:
Med heimel i Opplæringslova § 2-6 sender oppvekst- og kulturutvalet endring av kommunal forskrift om opptaksområde i Kinn kommune med verknad frå 01.08.2028, ut på høyring med slik innstilling:
Nytt opptaksområde etter Krokane skule er nedlagd1. Gjeldande opptaksområde for Krokane skule opphøyrer frå og med 01.08.2028. Opptaksområdet vert delt mellom Florø barneskole og Torvmyrane skule slik det går fram av alternativ 2.
2.Torvmyrane skule sitt opptaksområde vert utvida mot vest med følgjande adresser:
- Furuhaugane
- Furutun
- Botnavegen
- Furustien
- Havikbotn
- Jakob Sandeveg
- Selhaugvegen
- Danielsvika
- Bekkefaret
- Olav Sindresonsveg
Torvmyrane skule sitt opptaksområde grensar i aust ved Verpevika.
3. Florø barneskole sitt opptaksområde vert utvida i aust mot Torvmyrane skule sitt opptaksområde. Alle som nyttar båttransport som skuleskyss vil også høyre til Florø barneskole sitt opptaksområde.
I høyringsbrevet for nye opptaksområde for Torvmyrane skule og Florø barneskule vert det bedt om innspel på motivasjonsfaktorer som vil gjere at fleire born går eller sykler til skulen.
Høyringsfrist og innspel
Saka vert no lagt ut til offentleg høyring med høyringsfrist 17.03.2026, jf. forvaltningslova kap. VII. Høyringa vert kunngjort på kommunen sine heimesider. I tillegg vert saka sendt direkte til involverte skular, FAU/SU ved skular og aktuelle barnehagar.
Vi oppfordrar alle til å nytte elektronisk skjema for høyringsuttale som du finn her. Du kan også sende innspel per brev til Kinn kommune, postboks 294, 6701 Måløy.
Vi ber om høyringsinnspel knytt til dei to alternativa for opptaksområde. I tillegg ber vi om konkrete innspel på motivasjonsfaktorar som vil gjere at fleire born går, eller syklar til skulen.