Friskus – ein lågterskel kanal for alle

Friskus kommune er ein del av satsinga vår på å gjere informasjon, aktivitetar og tenester meir tilgjengelege. Her finn du oppdatert innbyggarinformasjon, kommunenytt og varslingar – utan at du må leite rundt på fleire stader.

Last ned appen, og du er i gang på få sekund!

Oppdag det som skjer i Kinn – med aktivitetskalenderen

Kva skjer i Kinn i helga? Eller neste veke? Sjekk aktivitetskalenderen i Friskus-appen eller på nett. Her finn du arrangement frå heile kommunen – frå barneidrett og korpsøving til kurs, konsertar og seniortreff.

Du ser kven som står bak arrangementa, og kan ta kontakt direkte med arrangørane.

👉 Gå til aktivitetskalenderen her

Lag, organisasjonar og andre – vis kva de driv med!

Er du med i eit lag, ei frivillig gruppe eller om du sjølv er initiativtakar? Då bør de bli arrangør i Friskus! Det er heilt gratis å registrere seg, og det går raskt å legge ut arrangement.

Det er faktisk raskare enn å lage arrangement på Facebook – og mykje lettare for innbyggarane å finne.

Når arrangementet ligg i Friskus, kan de i tillegg dele det vidare på Facebook. På den måten blir alt samla på ein plass, og fleire får det med seg.

Fram til i dag har 80 lag og organisasjonar registrert seg, og til saman lagt ut 179 arrangement sidan midten av januar – men vi veit det er mange fleire som dessverre ikkje kjem i aktivitetskalenderen.

Friskus Fritidskonto – viktig for familiar med låg inntekt

Visste du at Friskus også har ein eigen Fritidskonto? Dette er ei ordning for familiar med låg inntekt, der barn og unge (1. klasse–18 år) kan få støtte til fritidsaktivitetar.

Drop-in - hjelp til deg som treng det (for privatpersonar og lag og organisasjonar)

Vi tilbyr drop-in timar dei komande vekene for deg som vil ha hjelp til å kome i gang. Hjelpa er for privatpersonar som treng hjelp til å lage seg ein brukar i Friskus, og spesielt dei som treng hjelp til å registrere ein fritidskonto. Det er òg mogleg for organisasjonar å komme innom for å få rettleiing i korleis dei opprettar ei arrangørside, og korleis dei kan gjere seg tilgjengeleg for betaling av kontingent via fritidskonto. Vi begynner allereie tysdag i neste veke, og kjem til å vere tilgjengeleg på Florø kulturhus kvar tysdag kl. 14-15 fram til skuleferien.

Det er Carina Takle-Hillersøy og Hanne-Cecilie Sande som vil hjelpe deg.

Fleire fordelar med fleire lag og organisasjonar i Friskus

• Dei som søker har fleire aktivitetar å velje mellom
• Lag og organisasjonar får potensielt fleire medlemmar
• Alle får ein felles plattform å synleggjere aktivitetane sine på

Ei ulempe ved at lag og organisasjonar ikkje registrerer seg, er til dømes at dei som søker fritidskonto ikkje får nytte midlane dei får tildelt.

Kvifor bruke Friskus?

• Gratis for alle
• Rask tilgang til kommunenytt og digitale tenester
• Oversikt over aktivitetar i lokalsamfunnet
• Lett å bruke – både for innbyggarar og arrangørar
• Trygt og tilgjengeleg for alle

Last ned appen i dag – og bli ein Friskus du òg!

Appen Friskus kommune ligg klar i App Store og Google Play.
Last ned, og få kommunen og aktivitetar i lomma!