Samtidig viser tala at vi framleis har nedgang i folketalet. Innvandringa til Kinn er ikkje stor nok til å vege opp for utflyttinga. I 2025 var det 235 fleire som flytta frå Kinn til ein annan kommune i Noreg enn som flytta til oss. Det er det høgaste talet vi har registrert. 

Innvandring frå utlandet bidreg framleis positivt, men er ikkje stor nok til å vege opp for den høge innanlands utflyttinga.

Ved utgangen av 2025 var vi 17 365 innbyggarar i kommunen, noko som er ein nedgang på 63 frå året før.

Kva betyr dette?

Trass i rekordmange fødde, fører høg utflytting til samla nedgang i folketalet. Utviklinga viser kor viktig det er å arbeide målretta med trivsel, bustadutvikling, arbeidsplassar og attraktive lokalsamfunn.