Transport av bibliotekmateriale stoppa

Norsk bibliotektransport AS har gått konkurs. Som følgje av dette er all transport av bøker og anna materiale mellom bibliotek mellombels sett på pause. Dette påverkar fleire viktige tenester, mellom anna:

• fjernlån frå andre bibliotek
• retur og vidareformidling av materiale mellom bibliotek

Dette betyr det for deg som brukar

For publikum fører situasjonen til fleire usikkerheiter som at bestillingar av fjernlån kan bli forseinka eller ikkje gjennomførte, at leveringstider er uvisse, og at biblioteka har avgrensa moglegheiter til å skaffe materiale frå andre bibliotek i ein periode framover.

Det er førebels uklart når transporttenesta kan kome i gang igjen, eller om det blir etablert ei alternativ løysing. Vi følgjer utviklinga tett og vil oppdatere så snart vi har meir informasjon.

Ta kontakt ved spørsmål

Vi ber om forståing for situasjonen og dei ulempene dette kan medføre. Har du spørsmål, er du velkomen til å ta kontakt med biblioteka.