Årsaker til tilvising til PPT kan vere mange og samansatte, eksempelvis

• Mistanke om forseinka utvikling
• Språk, tale og kommunikasjon
• Lærevanskar
• Fagvanskar
• Konsentrasjons- og merksemdsvanskar
• Åtferdsvanskar
• Sosiale- og emosjonelle vanskar
• Funksjonshemming
• Framskoten eller utsett skulestart

• Dersom barnet går i barnehage bør tilvisinga fyllast ut i samarbeid mellom føresette og barnehagen.
• Dersom barnet går på skulen bør tilvisinga fyllast ut i samarbeid mellom føresette og skulen.
• Føresette kan også sjølv tilvise til PPT.

Barn kan ikkje tilvisast til PPT utan føresette sitt samtykke. Unge over 15 år kan sjølv ta kontakt eller initiativ til tilvising. Vanlegvis samarbeider føresette med barnehage, skule eller helsestasjon om tilvisinga. Det er også mogleg for foreldre å tilvise direkte.

PPT kan kontaktast på telefon: 57 75 61 26. Alle tilvisingar vert behandla fortløpande.

Søknadsskjema

PPT skal bidra til kompetanseheving og organisasjonsutvikling i barnehagar, og gjer ei utgreiing og gjev råd om behov for spesialpedagogisk hjelp. 

PPT gjev sakkunnig uttale om utsett og framskoten skulestart.

PPT gjev råd om logopedbehandling.

PPT kan gje råd til føresette og personale i barnehagen om utvikling, trivsel og tilpasning.

PPT skal bidra til kompetanseheving og organisasjonsutvikling i skular, og skal hjelpe skulane i utviklingsarbeid for å medverke til at alle elevar får tilpassa opplæring i ein inkluderande skule. 

PPT kan gje råd til føresette og personale i skulen om utvikling, opplæring, trivsel og tilpasning.

PPT gjer ei utgreiing og gir råd om ein elev har behov for spesialundervisning. PPT skal sørge for at det blir utarbeidd sakkunnig vurdering der opplæringslova krev det; dette gjeld særleg tilråding om rett til spesialundervisning og kva for opplæring som gjev eleven eit forsvarleg opplæringstilbod.

PPT gjev sakkunnig uttale om utsett og framskoten skulestart.

PPT gjev råd om logopedbehandling.

Vaksne som har rett til grunnskuleopplæring kan også ha rett til spesialundervisning. Kommunen og PPT skal vurdere og gje råd om kva den vaksne treng, og kommunen må gjere vedtak om spesialundervisning.

PPT skal gjere ei sakkunnig vurdering dersom den vaksne ber om det, eller vaksenopplæringa meiner nokon treng spesialundervisning. 

Kven kan få tilbodet?

Vaksne:

• med nedsett hørsel/døvheit som treng opplæring
• synshemma som treng opplæring
• med språk-, stemme- eller talevanskar som treng opplæring

Vaksne som etter opplæringslova:

• ikkje har eller kan få tilfredsstillande utbytte av det ordinære opplæringstilbodet
• har særlege behov for hjelp til å vedlikeholde eller utvikle grunnleggjande ferdigheiter
• treng ny opplæring på grunn av sjukdom eller skade