Velferdsteknologi kan bidra til å gje brukarane auka livskvalitet og eigenmeistring. Velferdsteknologien skal fremme sosial tryggleik og bidra til å sikre at den enkelte får moglegheit til å bu lengst mogleg i eigen heim.
Gå til søknadsskjema for velferdsteknologi
Velferdsteknologi er eit tillegg til menneskeleg omsorg. Teknologien kan bidra til betre menneskeleg omsorg, ved å gi helsepersonell meir tid til å konsentrere seg om de mellommenneskelege delane av jobben. Kommunen har allereie fleire velferdsteknologiske løysningar i bruk hos kommunen sine innbyggarar. Det er også eit mål at velferdsteknologi skal gi brukarar meir fleksibilitet i eige liv. Et eksempel kan vere at ein ikkje treng å vente på heimetenesta sine besøk for daglege medisiner, men heller styre dette i større grad ved hjelp av for eksempel medisindispenser.
Alarmsentralen har avtale med NetNordic som leverandør i private bustadar og kommunale bustadar utan døgnbemanning. Imates er leverandør av velferdsteknologi til sjukeheim og kommunale bustadar med heildøgnsbemanning.
Sjå videoar om velferdsteknologi
Utfyllande informasjon om velferdsteknologi som kan møte ditt behov vil du få i møte med tenestene.
Nokre døme på velferdsteknologi ein kan nytte i Kinn kommune er:
Lokaliseringsteneste – GPS
Lokaliseringstenesten er ein teneste for personar med orienteringsvanskar. Bruk av GPS gjer det mogleg å sjå kvar ein person er ved å sjå kartposisjonen på ein PC-skjerm/nettbrett/smarttelefon. Dette vert gjort når den som har GPS sjølv trykker på alarmknappen, eller etter avtale gjort med personen og eventuelt pårørande. Målet med tenesten er at personen med orienteringsvanskar og pårørande skal oppleve tryggleik, fridom, meistring og at ein er sjølvstendig. Lokaliseringsteknologi kan bidra til å oppretthalde ein aktiv kvardag.
Elektronisk medisineringsstøtte
Elektronisk medisineringsstøtte kan vere ein mogleg måte å få hjelp med å ta dine medisinar på. Ein elektronisk medisindispenser gir deg eit varsel når medisinen skal takast. Det vil hjelpe deg å ta rett medisin til rett tid. Løysinga har også moglegheit til å varsle pårørande eller helsepersonell om medisin ikkje takast ut av dispenseren. Elektronisk medisineringsstøtte finst i ulike modellar.
Digitale tilsyn
Vi tilbyr ulike sensorar og ulike kameraløysingar som kan gi auka tryggleik i eigen heim.
Vi gjer ei kartlegging av deg og dine behov og vurderar kva teknologi som kan vere teneleg for deg.
- At du og heimen din blir behandla med respekt
- At vi har synleg legitimasjon
- At du får ein kontaktperson som har hovudansvar for den hjelpa som du mottek
Vi forventar at:
- du søkjer om tildeling av velferdsteknologi sjølv.
- du gjer dei aktivitetane som du klarar sjølv.
- du er positiv til å prøve ut ny teknologi (velferdsteknologi) som kan hjelpe deg med at kvardagen din vert enklare og meir sjølvstendig.
- du tek imot tekniske hjelpemidlar om du har behov for det.
- om du har tryggleiksalarm bare nyttar den ved akutte behov for helsehjelp.
- du har synleg namn og nummer på huset ditt, og opplyst inngang.
- du gir tilbakemelding dersom behovet ditt endrar seg og/eller du ikkje er fornøgd med dei tenestene du får.
Kommunen har plikt til å behandle søknaden din så snart som mogleg. Dersom det ikkje kan avgjerast innan 4 veker skal du ha skriftleg melding om dette, med opplysingar om når du kan vente at det vert gjort vedtak i saka.
Vurdering
Før ein person kan ta i bruk teknologien som ei teneste, vert det gjort ei kartlegging av personen sitt funksjonsnivå. Sakshandsamar vil kontakte deg for å snakke med deg om søknaden, og avtale eit heimebesøk om det vert vurdert som naudsynt i høve til søknaden du har levert.
Når det vert gjort vedtak i saka vil det i vedtaket gå fram om du har fått tildelt tenesta eller ikkje, og kva tenesta omfattar. Du skal alltid få ei grunngjeving om det kan tenkast at du er ueinig i vedtaket. Dersom du ikkje får denne grunngjevinga, og du er misfornøgd med vedtaket, kan du få ei slik grunngjeving ved å kontakte leiar for tildeling. Dette må skje innan 3 veker etter du har mottatt brevet.
Velferdsteknologi gitt som helsehjelp er gratis.
Dersom du er misnøgd med vedtaket, kan du klage til kommunen innan tre veker frå du mottok vedtaket. Forklar kva du er misnøgd med, og kvifor du meiner at vedtaket bør endrast. Treng du rettleiing, kan du vende deg til leiar for tildeling. Kommunen pliktar då å ta ei ny vurdering. Blir avgjerda ståande, blir saka sendt vidare til statsforvaltaren, som avgjer om klaga skal takast til følge. Dette får du melding om.
Klaga skal sendast:
Kinn kommune v/ tildeling helse og velferdstenester, postboks 294,6701 Måløy.
Sist endra 05.01.2023 14.47