Du har krav på hjelp til matlevering viss du ikkje kan besørge mat til deg sjølv, eller er avhengig av praktisk eller personleg hjelp for å greie gjeremåla i kvardagen din.

Om du har eit særskilt hjelpebehov på grunn av sjukdom, funksjonshemming, eller av andre årsaker, vil du kunne få levert mat heim til deg.

Kinn kommune leverer ut middag frå Bordgleder i Florø:

• Menyane er varierte og ernæringsriktig satt saman
• Dersom du på grunn av allergiar, diettar, konsistenstilpassa mat eller av kulturelle og/eller religiøse grunnar ikkje kan ete enkelte matvarer, vil du få tilpassa mat
• Du får i vekedagane moglegheit for eit alternativt val av middag om du ikkje ønsker det som står på menyen

• Du som mottakar av tenesta må innan rimeleg tid kunne opne døra og ta imot middagen, eller gi nøkkel til oss som leverer maten
• Du eller ein som kan hjelpe deg må gje melding til kjøkkenet dersom du reiser vekk, eller ikkje ønsker middag levert som avtalt
• Gje melding til kjøkkenet om behovet ditt endrar seg og/eller du ikkje er nøgd med tenesta

Du kan kontakte kommunen for å få hjelp til å søke om matombringing,eller du kan be andre hjelpe deg viss du har behov for det. Viss ein annen søker på dine vegne.må vedkommande ha din fullmakt.

Gå til vårt skjema for søknad om omsorgstenester.

Kommunen har plikt til å behandle søknaden din så snart som mogleg. Dersom det ikkje kan avgjerast innan 4 veker skal du ha skriftleg melding om dette, med opplysingar om når du kan vente at det vert gjort vedtak i saka.

Vurdering

Vi kartlegger søknaden din før du får svar.

Sakshandsamar vil kontakte deg for å snakke med deg om søknaden og avtale eit heimebesøk om det vert vurdert som naudsynt i høve til søknaden du har levert.

Når det vert gjort vedtak i saka vil det i vedtaket gå fram om du har fått tildelt tenesta eller ikkje, og kva tenesta omfattar. Du skal alltid få ei grunngjeving om det kan tenkast at du er ueinig i vedtaket. Dersom du ikkje får denne grunngjevinga, og du er misfornøgd med vedtaket, kan du få ei slik grunngjeving ved å kontakte leiar for tildeling. Dette må skje innan 3 veker etter du har mottatt brevet.

Dersom du er misnøgd med vedtaket, kan du klage til kommunen innan tre veker frå du mottok vedtaket. Forklar kva du er misnøgd med og kvifor du meiner at vedtaket bør endrast. Treng du rettleiing, kan du vende deg til leiar for tildeling. Kommunen pliktar då å ta ei ny vurdering. Blir avgjerda ståande, blir saka sendt vidare til Fylkesmannen, som avgjer om klaga skal takast til følge. Dette får du melding om.

Klaga skal sendast:

Kinn kommune v/ tildeling helse og velferdstenester, postboks 294, 6701 Måløy.

• Prinsipp og kriterium for tildeling av tenester i Kinn kommune
• Lov om pasient og brukerrettigheter
• Lov om kommunale helse og omsorgstjenester