Hukommelsesteamet arbeider med å kartlegge demenssjukdom, og gje meir kunnskap om demenssjukdommar og å betre kvaliteten på samveret med personar som er råka av demens. Tilrettelegging og tryggleik i heimen er ein viktig del av dette arbeidet.
Hukommelsesteamet er i kontakt med over 100 brukarar kvart år. Ein følger opp desse i ulik grad alt etter behov hos brukar og pårørande. Målet er å skape ein trygg og føreseieleg kvardag, både for demensråka og deira pårørande.
Demenskoordinator i 23% stilling leiar hukommelsesteamet i Kinn (Måløy og Florø). Hukommelsesteamet består av hjelpepleiarar, sjukepleiarar og ergoterapeutar. Kvar heimetenestesone har eit medlem i hukommelsesteamet som har ansvar for kartleggingar i sona ein høyrer til. Ergoterapeut arbeider på tvers av sonene.
Demensutredning skjer i eit samarbeid mellom fastlege, hukommelseteam og eventuelt spesialisthelsetenesta. Legen er ansvarleg for medisinsk utredning og diagnostikk, samt behandling av demenssjukdomen og eventuelle somatiske og/eller psykiatriske tilleggsproblem.
Hukommelseteamet har ansvar for å kartlegge funksjonsevne, heimesituasjon og eventuelle hjelpebehov til pasient og pårørande. I mange tilfeller gjer hukommelseteamet den kognitive testinga som fastlegen bruker som grunnlag for å vurdere vidare tiltak/ utredning. Etter at diagnosen er stilt, vil oppgåva for hukommelseteamet og fastlegen vere å vurdere behandling, samt å foreslå aktuelle aktivitets- og omsorgstiltak.