Når treng du skjenkeløyve for private selskap? (ambulerande løyve)
Du må søke om skjenkeløyve dersom du skal servere alkohol mot betaling i eit lukka lag som til dømes bursdag, bryllaup eller liknande.
Når kan du sleppe å søke om løyve?
Du treng ikkje søke om skjenkeløyve dersom du har eit privat arrangement og gjestene har med seg alkohol sjølv, eller du serverer alkohol utan å ta betaling.
Kven kan få skjenkeløyve?
- Søkar må vere fylt 20 år
- Den som skal vere ansvarleg for skjenkinga må vere fylt 20 år. For alkohol under 22 volumprosent gjeld 18 års grense.
- Ved søknad om skjenkeløyve ved enkeltarrangement må ansvarleg ha utvist uklanderleg vandel.
Slik søker du:
Du bruker same skjema for både opne og lukka arrangement.
Ved søknad om opne arrangement hentar vi inn vandelsuttale frå politiet på søkjar og ansvarleg for skjenkinga.
Søknadsskjema
Vedlegg til søknad
Skal det arrangerast eit større arrangement, konsert eller festival i offentleg uterom, må følgande dokument leggast ved søknaden:
Kor lang tid tar det å få svar?
- Du får vanlegvis svar på søknad om løyve for lukka lag innan ei veke.
- Ved søknad om skjenkeløyve ved opne arrangement vil vi innhente vandelsuttale frå politiet og evt sosialtenesta om dei har merknader til arrangementet eller løyvesøkarane. Behandling av slike søknader vil dermed ta noko lenger tid. Søk difor i god tid før arrangementet.
Kva kostar det?
Kommunen har fastsett følgande prisar for einskildløyve
Gebyr for ambulerande løyve er kr 460,- i 2025. Vi sender faktura.
Rettleiar for bruk av uteområde
Vi er positive til at det vert arrangert ulike kultur- og fritidsaktivitetar ute, og ønsker å vere ein samarbeidspartnar for dei som vil skape liv og engasjement i lokalsamfunna våre. For å hjelpe arrangørar har kommunen laga ein ny rettleiar for bruk av uterom til arrangement.
Du kan lese rettleiaren her (PDF, 188 kB).