Gate 1 i Måløy

Kinn kommune skal oppruste den kommunale delen av Gate 1 i Måløy sentrum. I samband med dette vil vi gjennomføre ei oppgradering av overflatene i gata med nytt overvassanlegg, ny belysing, nye avløpspumpestasjonar og nytt vass- og avløpsanlegg.

Illustrasjon av Gate 1 når prosjektet er ferdigstilt.

Ytre Miljø

Anleggsdrifta skal ta omsyn til næring, busette og trafikk i nærliggande område til anlegget. Dette gjeld tiltak mot støv, støy, rystelsar m.m., og oppretthalde ferdsel for både mjuke og harde trafikantar. Anleggsstaden skal sikrast mot tilkomst for uvedkomande.

Arbeid skal normalt ikkje gå føre seg før kl. 7.00 og etter kl. 20.00 på kvardagar, og ikkje på søndagar eller heilagdagar. Unntak er eventuelt arbeid med kryssing eller stenging av hovudvegar (riksveg/fylkesveg/kommunal veg) utan omkøyringsmoglegheiter, og arbeid med omkopling av vassforsyning.

Detaljert informasjon til butikkane langs Gate 1

ACO anlegg skal ta kontakt med alle butikkane langs gata i næraste framtid for å informere i detalj om framdrifta. Det skal ikkje vere behov for at butikkane må stengast under anleggsperioden. Arbeida ved inngangane skal utførast utanfor opningstid for butikkane. Det skal etablerast midlertidig tilgang til alle eigedomar langs gata for mjuke trafikantar og varelevering kan koordinerast og avtalast med ACO.

Kontakt informasjon ACO Anlegg:

Marte Skår Anstsen
marte.skar.arntsen@acoanlegg.no
404 35 431

Asle Vatne Drabløs
asle@acoanlegg.no
909 53 407

Fase- og framdriftsplan

Arbeidet vert lagt opp slik at det til ei kvar tid er mogleg med framkomst for både mjuke og harde trafikantar i anleggsperioden.

Faseplanar skal visualisere korleis entreprenøren planlegger å fysisk jobbe seg gjennom området.

Vedlegg: Sjå faseplanar for Gate 1 i Måløy (PDF, 7 MB)

Prosjektstatus

Framdrifta skal oppdaterast annan kvar veke etter kvart byggemøte.

Status per 27. november 2025

Gate 1 er framleis stengd – asfaltering planlagt neste veke

Gate 1 er stengd mellom torget og riksveg 15 medan sluttarbeidet i gata går føre seg. Arbeidet med tekniske anlegg er ferdig, og no er det overflate og grøntområde som står for tur.

Dette er status no

VA-anlegg og kabelgrøft er ferdigstilt og er i prøvedrift.
Anleggsgartnar jobbar med sideareala mellom torget og rv. 15.
Det blir planta og tilsådd gjennom heile Gate 1.
På torget og i sentrumsparken held anleggsgartnarane fram med å ferdigstille steinbelegg og etablere murar. Beplantinga held fram så lenge vêret tillet det.

Asfaltering vart utsett

Siste laget med asfalt i vegbana skulle eigentleg leggjast førre veke (veke 47), men dårleg vêr gjorde at arbeidet måtte utsetjast. Det er no planlagt asfaltering neste veke.

Når kan Gate 1 opnast?

Gata kan vurderast opna når:

siste asfaltlag er lagt, og
anleggsgartnarane er ferdige med dei store gatesteinområda.

Tidspunktet er vêravhengig, sidan både asfaltering og steinlegging krev stabile forhold.

Publisert 26.08.2024 12.26

Sist endra 28.11.2025 08.01