2. gongs offentleg ettersyn: Kommunedelplan Florelandet - Brandsøy
Plan-, miljø- og næringsutvalet har i saknr 016/21 godkjent at framlegg til Kommundelplan Florelandet – Brandsøy, Planid 20200001 vert utlagt til offentleg ettersyn i samsvar med PBL § 5-2, § 12-10 og § 12-11.
Føremålet med planarbeidet er å legge til rette for god arealbruk innanfor planområdet sett saman med samfunnsutviklinga generelt.
Som følgje av vedtak i Plan-, miljø- og næringsutvalet 10.03.2021 ligg planen ute med alternativt forslag for eit område på Mjølkeneset ved Havikbotn som i dag er regulert som bustadområde med naust, men som i hovudforslag har vore lagt fram som LNF. I det alternative forslaget fremja av utvalet er området satt av som BKB24 – Bustad, naust. Forslag til føresegner for dette området ligg som eige vedlegg. Det er oppretta alternativt plankart kalla plankart alternativ 2, og til dette ligg også illustrasjonskart utan omsynssoner i to ulike versjonar. Alle andre dokument i saka gjeld for begge forslaga.
Det vil i samband med vedtak av planen bli oppheva ei rekkje eldre reguleringsplanar. Det har vore eit mål å sikre alle leikeplassar og anna verdifullt grøntareal ved å ta dei opp i overordna plan. Det kan ved ei kvalitetssikring av dette arbeidet bli aktuelt å supplere med fleire slike areal før endeleg vedtak.
Kart
Alternativ 1
Alternativ 2
Planframlegget med relevante dokument kan sjåast ved å klikke på vedlegga under.
Plandokument
Publisert avHenrik Ulriksen
Sist endra19.11.2021 09.20