Familiehjelpa er eit ressursteam som bidrar med støtte og rettleiing til familiar som på ulike måtar strevar i høve barna sine. Kinn kommune tilbyr gjennom ulike instansar grupper, kurs og personleg rettleiing til foreldre, barn og unge. Målet er at tilboda skal auke kompetansen hos mottakar på ein slik måte at barnet og familien sitt strev vert redusert. 

COS-P foreldrekurs

DVD-basert kursrekke på 8 møter med opplæring i bruk av Trygghetssirkelen. Tilbodet kan ein få både i gruppe eller individuelt.

TIBIR-foreldrerådgjeving

Korttidskurs (3-6 møter) til foreldre for barn i alderen 3-12 år som viser teikn til byrjande samarbeidsvanskar, og/eller foreldra opplev oppfølging av barnet som krevjande.

PMTO foreldrekurs

Eit terapeutisk tilbod til foreldre til barn i alderen 3-12 år, der samhandlingsmønsteret mellom foreldre og barn bær preg av gjensidig negativitet som har vart minimum eit halvt år. (15-30 møter)

Sosial ferdighetstrening (TIBIR)

Kurset er eit supplement til andre TIBIR-kurs, og varer i 8-10 veker. Ferdighetstrenar jobbar direkte med barnet, med mål om å styrke barnets sosiale kompetanse og til å unngå å kome i konfliktar.

TIBIR/PMTO – konsultasjon til tilsette i barnehage og skule

Kurset er eit supplement til TIBIR/PMTO til føresette. Kurset består av 6-8 møter der dei tilsette får rettleiing i bruk av nyttige verktøy som kan redusere samarbeidsutfordringar både på individ og/eller gruppenivå.

ICDP

ICDP er eit enkelt, helsefremmande og førebyggande program som skal styrke omsorgskompetansen til foreldre. Dette er eit gruppetilbod.

Tuning in to kids

Eit foreldrerettleiingsprogram i gruppe, der målet er auka emosjonell bevisstheit, forståing og auka evne til regulering av barnet sitt uttrykk.

Marte Meo

Eit foreldrerettleiingsprogram som bygger på ei løysingsfokusert tilnærming. Video brukast som hjelpemiddel.

Miljøterapi

Rettleiing i heim gjennom samtale og modellæring. Dette tilbodet krev vedtak frå barneverntenesta.

Musikkterapi

Eit kulturhelsefagleg tiltak kor ein gjennom klienttilpassa aktivitetar og prosessar ønsker å bistå med å generere livsmeistring, godt sjølvbilde, reguleringsevne og emosjonskontroll. Dette er eit førebyggande tiltak som supplement til anna behandling ved psykisk sjukdom og andre helseutfordringar. Dette tilbodet krev vedtak frå barneverntenesta.

Psykologisk førstehjelp

Kurs til barn og unge i alderen 8 – 18 år over 4 timar, gjennomført i samarbeid med skulen. Dei trenar på korleis dei kan påverke opplevinga av vanskelege situasjonar ved å sortere tankar og følelsar.

Kognitiv Atferdsterapi

Gjennom kognitiv atferdsterapi får ein kunnskap om korleis tankar, følelsar, åtferd og kroppsreaksjonar heng saman. Ein lærer ferdigheiter og strategiar på korleis takle frykt, stress, og bekymringar betre. Dette er eit tilbod til både eldre barn/ungdom og foreldre, enten individuelt eller i gruppe.

PIS-kurs

«PIS» er eit gruppe-tilbod til barn og ungdommar i skulealder som bur i to heimar etter foreldre sitt samlivsbrudd. Gruppemøta kan bidra til at ein kjenner seg forstått, og at ein forstår seg sjølv, foreldre og eigen situasjon betre.