FLM gjev tilbod til personar som treng rettleiing og oppfølging for å få meir helsefremjande levevanar. Levevanar som verkar inn på helsa er til dømes fysisk aktivitet, kosthald, røyking og sosial kontakt.

Målgruppa (18-69 år) er du som står i fare for å utvikle livsstilsjukdom, eller som alt har utvikla sjukdom, og treng oppfølging av helsepersonell til å endre levevanar og mestre sjukdom.

Fokusområda våre er samtalar kring endringsprosessar, meistringstrategiar, fysisk aktivitet, og kompetanseauke kring kosthald og tobakksbruk.

Målet med tilbodet er betre helse gjennom gode levevanar

Endring av vanar er utfordrande og krev systematisk innsats over tid. FLM vil vere ei starthjelp, og bidra med kunnskap, informasjon og støtte for at du skal lukkast.

Gjennom helsesamtalar med rettleiar vil deltakar lage ein endringsplan og ei målsetjing for oppfølgingsperioden (3 mnd). Eigendel er kr 300,- for ein periode.

Du kan få tilvising hjå lege, NAV eller anna helsepersonell, men du kan og ta kontakt på eige initiativ og tinge time.