Planavgrensinga ved oppstart av planarbeidet er om lag 24 daa og omfattar eigedomane gards- og bruksnummer 52/23, 52/42, 52/48, 52/2, 52/6, 52/9, 52/1, 52/29, 52/65, 52/54, 52/66 og 52/17.
Vedlegg: Les høyringsbrevet frå Norconsult her (PDF, 701 kB)
Planavgrensinga (Figur 1 i vedlegg) er omfattande ved oppstart, men kan verte redusert i planframlegget som no skal utarbeidast. Dette er fordi naudsynt vegareal først vert avklara når løysingar for krysset med tilgrensande vegareal er endeleg prosjektert og fastlagt, som del av planarbeidet. Planavgrensinga søker også mogeleg areal for mellombels anleggsområde. Figur 1: Den romslege planavgrensinga i sør, mot Nesjane, er gjort med omsyn til å få ei god tilpassing mot eksisterande reguleringsplan for Nesjane.
Tilhøvet til overordna og gjeldande planar
I gjeldande kommunedelplan er store deler av det aktuelle arealet sett av til vegføremål. Tilgrensande areal har føremåla LNFR og bustad. Kommunedelplanen viser faresone for høgspent nord for krysset og heile planområdet ligg innanfor faresone Ras- og skredfare.
Gjeldande reguleringsplanar innanfor og kring tiltaksområdet er:
- «Kvalvika, Del av gbnr 52/1 bustader» vedteken i 2003
- «Eikefjord-Nesjane, Del av 52/1 (i dag 52/42) vegserviceanlegg». Vedteken i 1989
- «Kvalvik-Grov Rv 5», Vedteken i 2002
Planprosess
Jamfør Pbl. § 12-8 er det lagt til grunn at dette er eit planarbeid i regi av Kinn kommune, det er difor ikkje utarbeida planinitiativ eller gjennomført formelt oppstartsmøte etter Pbl.
Det er halde eit oppstartsmøte for planoppdraget med kommunen og Statens vegvesen den 14.11.2024.
Planen fører etter kommunen si vurdering ikkje til krav om konsekvensutgreiing etter kap. 4 i plan- og bygningslova eller utarbeiding av planprogram.
Kommunen har vurdert kven som skal varslast om planarbeidet. Alle kjende grunneigarar/naboar som grensar til eller ligg innanfor planområdet får tilsendt dette varselet. I tillegg vert oppstart av planarbeid annonsert i Firdaposten.
Meir informasjon og frist for innspel
For nærare informasjon om planarbeidet kan spørsmål rettast til Iren Meisterplass, tlf. 99 21 83 72, eller e-post: iren.helene.meisterplasss@norconsult.com.
Dersom du har opplysningar, synspunkt, merknader, planar eller informasjon om tinglyste rettar som kan vere av interesse for planarbeidet, ber vi om at du tilskriv:
Norconsult AS v/Iren Meisterplass
iren.helene.meisterplass@norconsult.com
Campus Fosshaugane
Trolladalen 30
6856 Sogndal
Vi ber om at ev. innspel til varsel om planoppstart vert sendt skriftleg innan 13.01.2025.