Forenkla høyring av forslag til planendring av området ved felt BK5 i områderegulering for Knapstadmarka

Søknad om endring etter forenkla prosess av områderegulering for Knapstadmarka, gbnr.27/19 m.fl, Barnehage/skule og bustad, PlanID 1401 20130101, vert med dette oversendt til høyring i samsvar med plan- og bygningslova § 12-14.

Endringsforslaget er knytt til område BKS5 med tilhøyrande infrastruktur. Området ligg i all hovudsak innanfor gbnr. 27/36 ved Knapstadmarka og Kinnvegen. 

Forenkla høyring av forslag til planendring av området ved BK5 i områderegulering for Knapstadmarka.png

Søknaden er utarbeidd av

  • Forslagsstillar: Storåsen Utbygging AS.
  • Plankonsulent:  Norconsult Norge AS i samarbeid m/Salt Arkitekter AS.

Føremål og endringsforslag

Føremålet med endringa er primært å:

  • justere veg o_SKV4, samt tilpasse tilkomstane til byggeområde BKS5 (direkte avkøyring frå vegen),
  • justere byggegrensene til felt BKS5 mot veg o_SKV4 og GN5
  • tilpasse og endre føresegn om maks byggehøgd frå kt. +31 til kt. +32.

Figur: Utsnitt for gjeldande områderegulering er til venstre, felt som er føreslått endra ser du til høgre.

I prosess fram mot konkret høyringsforslag, har det vore dialog mellom kommunen og forslagsstillar/plankonsulent. Kommunen har lagt til grunn kommunal veg etter kommunal standard, snuhammar for lastebil i enden av kommunal veg, legge vekt på framkome for mjuke trafikantar, regulere krysset mot Fv.445 som del av planarbeidet (gjeldande planar er ufullstendige m.o.t. krysset). I tillegg har det vore dialogar omkring leikeareal, naturleikeplass, tryggleik, grad av inngrep i myrområde og mogelege avbøtande tiltak. 

Prosess

Planframlegget utløyser ikkje konsekvensutgreiing i samsvar med KU-forskrifta.

Kinn kommune har vurdert at omsøkte endring i liten grad vil påverke gjennomføring av planen forøvrig, at den ikkje vil gå utover hovudrammene i planen, og heller ikkje påverke omsynet til viktige friluftsområde.

Gjeldande områdereguleringsplan inneber stor grad av påverknad for myrområde, både ved og utanfor område som no er aktuelt å endre. I forslag til planendring vil påverknad kunne bli mindre innanfor endringsområdet enn realisering av gjeldande reguleringsplan, men vil framleis vere til stades i ein viss grad. Kommunen har ut frå at planforslaget kan innebere mindre påverknad for naturmangfaldet enn realisering av gjeldande områderegulering, funnet at søknad kan handsamast etter reglane for forenkla prosess der søknad vert førelagd aktuelle offentlege mynde og grunneigarar i planområdet før avgjerd. Jfr. pbl §12-14, 2-3. ledd.

Parallell søknad om planendring og rammeløyve

Det vert søkt om at planendring og byggesak vert handsama som felles sak i samsvar med PBL §12-15. Varslinga omfattar såleis høyring av endringsforslag av område-reguleringsplanen, samt varsling/nabovarsel av søknad om rammeløyve.

Avgjerd i plansaka og byggesaka vert fatta i kvar sine og eigne vedtak, der vedtak i plansaka må avgjerast først. 

Høyring

I samsvar med plan- og bygningslova § 12-14-2.ledd vert endring av Områdereguleringsplan for Knapstadmarka gbnr. 27/19 m.fl - Barnehage/skule og bustad,  PlanID 140120130101 sendt på høyring i perioden 18.12.2024 – 24.01.2025. Varslinga gjeld også nabovarsling for rammesøknad.

Eventuelle merknader/innspel kan sendast til kommunen på elektronisk høyringsskjema som de finn her. De kan og sende merknader/innspel i post til Kinn kommune, Postboks 294, 6701 Måløy, eller via e-post til post@kinn.kommune.no innan 24. januar 2025.

Gjeldande områderegulering for Knapstadmarka, finn du her, under fana “PLANDOKUMENTER”.

Vedlegg til høyringa

Dokument, forslag til planendring

Dokument rammesøknad/nabovarsling

Publisert 17.12.2024 13.27
Sist endra 17.12.2024 13.27