Alle kan sende inn forslag på kven dei meiner bør få ungdommens kulturpris 2024. Personar du føreslår skal ha ei tilknyting til kommunen.

Merk forslag til prisen med «Nominasjon ungdommens kulturpris».

Forslag skal innehalde namn på den du ønskjer skal få prisen og ei kort grunngjeving til kvifor du meiner dei er ein god kandidat. Prisen blir utdelt 17. mai. 

Send inn forslag til oss på post@kinn.kommune.no.

Frist for innsending er 15. april 2024.

Om ungdommens kulturpris og kriterier

Prisen går til nokon som har lagt ned stor innsats for å styrke ungdomskulturen, har utvikla seg sjølv til eit høgt nivå innan eit kulturområde, eller har gjort ein stor innsats for andre ungdommar.

Prisen kan bli utdelt til enkeltpersonar, organisasjonar eller grupper.

Ungdommens kommunestyre avgjer kven som skal tildelast Ungdommens kulturpris.