Kinn har 3 positive prøver i Florø og 2 i Måløy-området. Dei testa er arbeidsinnvandrarar. Ein av prøvene vart tatt i Kinn kommune, dei resterande prøvene er tatt på flyplass ved ankomst til landet. Det er minst 15 nærkontaktar som er i karantene, og vert følgd opp for testing. 

Oppmoding til arbeidsgjevarar

Kinn har tatt i mot om lag 300 arbeidsinnvandrarar sidan nyttår. Arbeidsgjevarar vert difor oppmoda om å be alle sine tilreisande arbeidstakarar om å teste seg for koronasmitte ved ankomst til kommunen. Arbeidsgjevarar bør også syte for eigna lokale for karantene og isolasjon dersom behovet skulle oppstå.